سياسة الخصوصية

Webmail (المتاح على mail.bagbacktech.com) صندوق بريد موحّد بيوصلك بحسابات البريد الإلكتروني بتاعتك (زي Gmail أو Zoho أو أي حساب IMAP/SMTP تاني) في واجهة واحدة. السياسة دي بتشرح إيه البيانات اللي بنجمعها وليه ونعملها إيه.

• بيانات حساب الدخول: إيميلك واسمك عند التسجيل عبر Firebase Authentication (إيميل/باسورد أو دخول بجوجل).
• بيانات اتصال حسابات البريد: عنوان سيرفر IMAP/SMTP والبورت واسم المستخدم وكلمة المرور (أو app password). كلمة المرور بتتشفّر بـ AES-256-GCM قبل التخزين ومش بتتخزن كنص صريح أبدًا.
• محتوى الرسايل: بنخزّن نسخة من رسايلك ومرفقاتها في قاعدة بياناتنا (Firestore) عشان الصندوق الموحّد والبحث والفرز يشتغلوا بسرعة من غير ما نرجع لسيرفر بريدك كل مرة.
• رمز إشعارات الجهاز (FCM token) لو فعّلت الإشعارات الفورية على المتصفح.
• عداد استخدام يومي بسيط لميزات الذكاء الاصطناعي (عدد الطلبات، مش محتواها) عشان نطبّق الحد الأقصى اليومي.

• تشغيل الصندوق الموحّد: قراءة، إرسال، حذف، أرشفة، وتنجيم الرسايل فعليًا عبر IMAP/SMTP الحقيقي بتاع حسابك.
• ميزات الذكاء الاصطناعي: لما تستخدم الترجمة أو التلخيص أو الرد المقترح أو مساعد الصندوق، بيتبعت نص الرسالة أو سؤالك وقت الاستخدام لـ Google Gemini (عبر Vertex AI) عشان يرد عليك. الإرسال بيحصل بس وانت بتستخدم الميزة دي بنفسك، مش تلقائي على كل رسالة.
• إرسال إشعارات فورية على رسايل جديدة لو فعّلتها.

بياناتك بتتخزن على بنية تحتية Google Cloud (Firebase/Firestore) وبتتعالج ميزات الذكاء الاصطناعي عبر Google Vertex AI. التطبيق بيتصل بمزوّد بريدك الأصلي (Gmail، Zoho، إلخ) نيابة عنك عشان يجيب/يبعت رسايلك. إحنا مش بنبيع ولا بنشارك بياناتك مع أي طرف تالت لأغراض إعلانية — صفر إعلانات جزء أساسي من هوية المنتج.

• تشفير AES-256-GCM لكل كلمات مرور حسابات البريد المخزّنة.
• عزل بيانات كامل بين المستخدمين — بياناتك مربوطة بحسابك بس ومحدش تاني يقدر يوصلها.
• حماية ضد محاولات تخمين كلمة المرور (rate limiting).

تقدر تفصل أي حساب بريد متصل أو تصدّر بياناته في أي وقت من الإعدادات بنفسك. لو عايز حذف حسابك بالكامل وكل بياناتك من عندنا، راسلنا على mohamed@bagbacktech.com — حاليًا ده بيتم يدويًا لحد ما نضيف زرار حذف حساب تلقائي.

بنحتفظ ببياناتك طول ما حسابك نشط. لو فصلت حساب بريد، بنمسح بياناته المخزّنة عندنا.

ممكن نحدّث السياسة دي من وقت للتاني. أي تغيير جوهري هنعلمك بيه.

أي سؤال عن الخصوصية، راسلنا على mohamed@bagbacktech.com.